Heroic farewell to late freedom fighter Irengbam Chaoren Gi

Heroic farewell to late freedom fighter Irengbam Chaoren Gi

Revolutionary People’s Front ki Thouburen (President), Sir Ahal, Irengbam Chaoren, tamthiba laina amana maram oiduna houkhiba eng kumja 2023 gi February 10, Irai numitta nonggakhre. Nonggakhraba Sir Ahalgi thawaina nongdolgi leikolda engna chikna pothaba oirasanu! Eng kumja 1957 ki November 2, Hiyanggeigi 10 ni panba, Thangja numitta Sir Ahal, Irengbam Chaoren Khagempalli Huidrom Leikaida pok-e.

Leikhidraba Irengbam Ibomcha amasung Tongbram Ningol Irengbam Ongbi Jamuna na pokchaba machanupa ahumgi manungda Sir Ahalna khwaidagi ahalni. Khagempalli Huidrom Leikai LP School da ahanba lairik tamba hourakkhi. Mathang Keishamthong ME School, Elangbam Leikaida tamlaba matungda Keishamthongda leiba Ramlal Paul High School da tamduna eng kumja 1974 da High School Leaving Certificate Examination (HSLCE) ngamduna Oriental College da Pre-University Course (Science) ta tamkhi. 1976 ta PU (Sc) ngamlaba matungda Manipur College da amuk hongduna Bachelor of Arts tamlakkhi adubu lairik tamba loisindana Manipur gi ningtam ehouda saruk yaba hourakkhi.

High School tamlingei matamdagi mareibakpu nungsiba, India na Manipur bu loi chansinba asibu pamdabagi wakhal pokpaga loinana yawol ehou tougadabani haibagi wakhal poklaktuna 1974 dagi Revolutionary Government of Manipur (RGM) gi meefamsingda saruk yaba hourakkhi. Matam adugi ahal oiba luchingbasing kayagi manakta chattuna Manipur gi puwari neinaminnakhi amasung Ningtam lan gi paotak kaya lourakkhi. Asida nattana RGM na lonna lingkhatpa aronba College amada saruk yaduna yawol amasung politics ki maramda neinabasing yaorammi loinana numit mangani chupna pangthokpa Revolutionary Leadership training su yaorakkhi.

Tamlakpa amasung neinarakpa yawolgi lousing adu thabakta onthokpa oina loijing-loiyada chattuna meeyamda, maru oina matam adugi nahasingda yawol ehougi maramda wari sabiduna wakhal tahallaga ehou asibu sougatnaba amasung lupta yaoraknaba hotnakhi. Sannabadasu thawai yamna yaoba meeoini. Badminton amadi football masannada afaba sannaroi amasu oikhi. Mahakna chingduna leikaigi club ta leikaigi mamannaba amadi naharolsing khomjinduna chang naina badminton sannakhi. Yawol ihou yaoraklaba matungda Meeteigi thang ta oja naina tamkhi.

RGM manungda leiba matam adugi luchingbasing ningtam lan -gi wakhallon khennaba thoklakpadagi makha tana khutlai paiduna ningtam lan toubana chummi haiba kanglupta yaoduna China chatnabagi thourang toubada saruk yarakkhi. Adubu khudongthiba thoudok amada anisuba khongchatta China chatpasing 1977 ta Mayang lanmeena lambelda fabadagi makha tana China chatpa lepkhiduna chat-houkhidre. China chatlubasing hallaktuna 1978 da PLA lingkhatlakpada yaoduna PLA ama oina loufam thokpa achouba thoudang louba hourakkhi amasung ningtam ehouga mari leinaba thabak kaya tourakkhi. Eng kumja 1982 da PLA gi meeoising Myanmar gi Kachin State ta chattuna Kachin Independence Army (KIA) dagi Military training fanglakkhi loinana chahi kaya leiduna lan tamlakkhi.

Oja Bisheshwor na MLA oiduna leikhiba , PLA gi makokthongba luchingbada wathok lakpa amasung PLA singgi marakta yeknabada surrender toubagi wafam leikhibadagi ningtam ehou touba pamba matam adugi cadre sing punsinduna PLA gi lanjang makha tana chatthanaba hotnarakpada yamna chaoba amasung makok thongba thoudang louduna lakkhi . Loinana RPF ki puwarida ahanba pangthokpa 1990 gi Party Congress ta RPF ki ihan hanba President oina khankhi . Matam asidagi punsigi aroiba meekup eng kumja 2023 gi February 10 faoba RPF ki President amadi CorCom gi Convenor oikhi. Sir Ahalna Party gi President oina khandringei matam adudasu party cadre sing mahakki wakhallon gi makhada thabak touba hourakkhi, puthorakpa policy kaya thabak oina onthokkhi . Thabaksing adugi manungda singthaba yaba thabakti April 13 bu “Athoubasinggi Numit ” laothokpa amasung Manipur da pusillakpa Indian made foreign liquor (IMFL) thingba asini. RPF ki President oiraba matungda Manipur amasung WESEA Region da leiba yawolloising punsinnaba achouba firep ama lourammi . Firep asigi makhada RJC, MPLF amasung CorCom sembada achouba thoudang loukhi . WESEA Region gi Yawolgi luchingbasing ming oina pallabada Nagaland gi SS Khaplang, Assam gi Poresh Asom, Tripura gi Ranjit Dev Burman nachingba luchingba kaya unnaduna apunbagi United Front ama semba mathou tabagi wafam puthoknakhi. Lamdam asigi Ningtam ehou malemgi thakta pukhatnaba amadi Foreign Policy semduna changsinba houkhi. UN gi De-Colonisation Committee da Memorandum anirak, 1996 ki December 11 amasung 1999 gi September 21 da khutyek piduna lankhatkhi. 1949 gi Geneva Convention gi Common Article No 3 bu ngakna chatkani haina 1997 ta khutyek pikhi loinana Manipur gi ningtam ehou asi “Terrorist natte Revolutionary ni” haina malemgi thakta utkhi.

CATEGORIES

COMMENTS

Wordpress (0)
Disqus ( )
Secured By miniOrange
Visitors: 231594