AWABA FONGDOKCHABA PAOJEL LEIKHIDRABA RPF KI PRESIDENT SIR IRENGBAM CHAOREN GI MAFAMDA SOREPA GI CENTRAL COMMITTEE NA YAWOLGI IKAIKHUMNABA PIJARI

AWABA FONGDOKCHABA PAOJEL LEIKHIDRABA RPF KI PRESIDENT SIR IRENGBAM CHAOREN GI MAFAMDA SOREPA GI CENTRAL COMMITTEE NA YAWOLGI IKAIKHUMNABA PIJARI

Miyaamna ikaikhumnajariba yawolloi luchingba,RPF ki President, Sir Irengbam Chaoren na masaagi anaaba amana kumja 2023 gi February tha asigi cheichat 10, irai numitki, ayuk pung 10:30 taba matamda, laikannaba ngamdana khanghoudana leikhidaba asida SOREPA na thamoi sokna awaba fongdokchabaga loinana yawolgi ikaikhumnaba pijari. Leikhidraba yawolgi luchingba asi Kumja 1957 gi November 2, Thangja numitta, Khagempalli Huidrom Leikai da leikhidraba Irengbam Ibomcha amadi Tongbram Ningol Irengbam ongbi Jamuna anigi machanupa ahum pokpagi manungda mahakna ahal oina fangjakhi.
Ikaikhumnaraba Sir, Irengbam Chaoren asi punshigi ngallingei matamdagi RPF ki yawolloi oirakpaga loinana, kumja 1990 dagi chatliba kumja 2023 asida punshigi aroiba mitkup faoba, RPF ki President oibaga loinana,apunba ‘Kangleipak/Manipur amadi WESEA’ gi changsilliba yawol asigi mapung oiba luchingbagi thougai pubiramba luchingba amani. Mahaak mabuk mapao faba, ing-tappa, yawolloisingbu nungsina loinabiba, ‘Kangleipak/Manipur amadi apunba WESEA’ lamdamgidamak changsilliba yawol laantheng asigidamak asaanba mityeng pibiduna yawol laantheng asibu luchingbiramba miyaamgi achangba luchingba amani. Apunba yawol laantheng ama changsinnabagidamak Kangleipak/Manipur gi yawollupsinggi apunba lup CORCOM gi Convener oina yawollup khudingmak amatta oina punsinminnaduna ningtam yawol laantheng changsinminnanaba chokthaba leitana hotnabiramba yawol-luchingba amani.
Miyaamgi yawol luchingba ikaikhumnajariba RPF ki President, Sir Irengbam Chaoren-na manung matam chadana khanghoudana leikhidabada changsilliba apunba yawol ihou asida menkhatpa ngamlaroidaba ahaangba amadi adummak leihouragani. Mahaakna pamjaramba yawol laantheng adugi khudung inna eikhoi yawollup khudingmak changsinminnaba ngamba oirasanu. Loinana SOREPA gi

Central Committee amadi yawollup asigi luploi pumnamakna minute ani tuminna leptuna leikhidraba luchingpurel mahakki mafamda ikai khumnaba pijabagi thouram lup asigi Central Head Quarter amadi loishang pumnamakta pangthokkhre. Loisillakpada amuksu hanna, leikhidraba yawolloi luchingba RPF ki President, Sir Irengbam Chaoren na manung matam chadana leikhidaba asida SOREPA na thamoi sokna awaba amadi ikaikhumnaba pijabaga loinana CORCOM, RPF, leibaak miyaam amadi leikhidraba luchingba asigi imung manunggi awabada saruk yajari haina SOREPA gi Central Committee na leibaak miyamgi mafamda fongdokchari.
Leikhidraba luchingba mahak ingna chikna pothaba oirasanu.
Meeyamgi,
(Toijam Ibochou)
Chairman,
Central Committee, SOREPA, Kangleipak.
Kangla. 12th Feb.2023

CATEGORIES
TAGS

COMMENTS

Wordpress (0)
Disqus ( )
Secured By miniOrange
Visitors: 9642